E whai ana mātou kia rongo i ngā kōrero a te hunga rangatahi e 16 ngā tau e pā ana ki te putanga i ngā
taurimatanga a Oranga Tamariki.
E hiahia ana mātou kia mōhio ki ngā momo tautoko e āwhinatia i a koe i tēnei wā.
Ko ngā kōrero ka puta i tēnei rangahau patapatai ka whakawhanake, ka whakapai i ngā ratonga e tautoko ana i te hunga rangatahi i roto i te Ratonga Tautoko Whakawhiti.
E hāngai ana tēnei rangahau patapatai ki:
Te hunga rangatahi, e 16 tau kua taurimatia
Ka pēhea koe e uru atu ki tēnei rangahau patapatai:
Mā te waea
Mā te hui-ā-ataata
Mā runga i te ipurangi
Tēnā koe
Hei whakamihi atu ki a koe mō te wā me ngā kōrero i tākoha mai e koe, ka riro ai koe i tētahi puka $25 nō tētahi toa pērā i Te Warewhare.
He tono ki a uru mai
I tono mātou i tētahi kuputuhi ki a pōhiri atu ki te rangatahi e 16 tau ki a uru mai ki tēnei rangahau patapatai.
Mēnā kāore ano koe kia whiwhi i te kuputuhi, tēnā pea e āhei tonu ana koe ki te uru mai.
Waea atu ki te roopu rangahau patapatai 0800 002 577
kia mōhio mēnā e āhei ana koe ki te uru,
waihoki me he pātai āu e pā ana ki te rangahau patapatai.
Tōna 20 meneti e tutuki ai te patapatai Just sayin’.
Ka tere ake mā te ipurangi,
engari kei te nui o ngā kōrero ka hiahia koe ki te whakapuaki.
Hei mihi i tō whai wāhitanga mai, ka tukuna he puka pūtea hei whakaaro,
e $25 te wāriu, mō tētahi toa pēnei i te Warehouse.
Arā pea ētahi pātai e raru ai, e māharahara ai rānei koe. Ka āhei tō tīpoka i ēnei pātai,
ā, mā mātou koe e whakamōhio ko hea ngā wāhi hei haeretanga māu e whai tautoko ai.
E pai tonu ana tō hari mai i tētahi kaitautoko i a koe e whakautu ana i te patapatai.
Ka pātuhi atu mātou ki a koe ā te rangi whai muri atu kia mōhio ai e pēhea ana koe.
Ka āhei tō waea atu ki te kāhui Tautoko Whakawhitinga ki 0800 55 89 89.
Ka āhei tō waea atu ki tō tauwhiro.
>Youthline mā te waea ki 0800 376 633, mā te pātuhi utukore atu ki 234, mā te kōrerorero ā-ipurangi rānei ki www.youthline.co.nz 10am – 10pm
>1737 Ka āhei tō pātuhi (text), tō waea utukore (freephone) atu rānei i ngā hāora e 24 o ia rā ki tētahi ratonga tohutohu utukore
>What’s UP 0800 942 8787 He ratonga āwhinga, tohutohu anō hoki mā te hunga mai i te 5-18 tau te pakeke; te poupoutanga o te rā-11 karaka i te pō; kōrerorero ā-ipurangi ki www.whatsup.co.nz mai i te 3 karaka i te ahiahi - 10 karaka i te pō
>OUTLine NZ 0800 688 5463 He taunakitanga mō ngā take hōkakatanga, mō ngā take ira tangata rānei
>Safe to talk – Kōrero mai ka ora Waea ki 0800 044 334, pātuhi atu ki 4334, kōrero ā-ipurangi atu rānei ki tētahi ki www.safetotalk.nz , kia whai āwhina matatapu ai e pā ana ki ngā take
tūkinotanga ā-tōkai
>Healthline 0800 611 116 Kia whai kupu āwhina, kia whai mōhiohio hauora tukipū anō i tētahi nēhi kua rēhitatia
>Lifeline Waea ki 0800 543 354, pātuhi atu rānei i ngā kupu ‘Āwhina mai’ ki 4357. He ratonga tohutohu, tautoko anō hoki
>Aunty Dee auntydee.co.nz/ He rauemi ā-ipurangi utukore mā te hunga e hia āwhina ana ki te aro pū ki tētahi, ki ētahi raru rānei. Ahakoa he aha te raru, ka āhei tō toro ki Aunty Dee hei āwhina i a koe
>The Lowdown Toro ki thelowdown.co.nz, waea atu ki 0800 111 757, pātuhi atu rānei ki 5636. He ratonga āwhina utuokore 24/7 (mā te pātuhi, mā te īmēra, mā te kōrerorero ā-ipurangi anō hoki). “Ahakoa ngā āhuatanga o te wā ka kitea he huarahi, he tangata anō hoki hei hāpai ake i a koe”
>Family Violence Helpline Waea ki 0800 456 450 Ka whakahaerehia e te kaupapa o ‘It’s not OK’ tētahi ratonga ā-waea utukore 0800 mō ngā mōhiohio e pā ana ki ngā mahi whakarekereke ā-whānau e tuku nei i ngā momo mōhiohio e āwhina ai te tangata i a ia anō, otirā, e tūhono ana i ngā tāngata ki ngā momo ratonga. E wātea mai ana i ngā rā e whitu o te wiki, mai i te 9 karaka i te ata ki te 11 karaka i te pō
>VOYCE Whakarongo Mai He kaitaunaki i ngā tamariki kua whai wheako i ngā ratonga taurima, 0800 4VOYCE (0800 486 923)
I tīmata a Oranga Tamariki i tenei ratonga hou, arā ko te Ratonga Tautoko Whakawhitinga i te mārama o Hōngongoi i te tau 2019 hei tautoko i ngā rangatahi e puta ana i ngā taurimatanga a Oranga Tamariki, e whakawhiti ana ki te taitamarikitanga.
Ko ngā rangatahi e māraurau ana ki tēnei ratonga, e whakaae ana ki te uru ka whiwhi:
>
I tētahi Ama Whakawhiti, māna e tautoko i te hunga rangatahi tae atu ki tōnā huritau 21
>
I te momo tautoko e hāngai ana ki te wāhi noho (te noho ki tō kainga, te hoki atu rānei ki tō kaitiaki) mai i te tau 18 - 21
>
I te tautoko nō te nama Tautoko Whakawhitinga tae atu ki tō huritau 25
Ki te hia mōhio koe mēnā e māraurau ana koe mō tēnei ratonga, ki te hia mōhio koe ki ētahi pārongo:
Waea atu ki te nama Tautoko Whakawhitinga 0800 55 89 89.
Ka whakamahia ō pārongo hei tuhi pūrongo mā Oranga Tamariki. Ka whakakotahitia ngā
whakautu a te katoa kia kore ai tētahi e kite pū i ō kupu. Ka utaina te pūrongo ki te whārangi
ipurangi a Oranga Tamariki. Ka utaina he tuhinga whakarāpopoto ki tēnei whārangi ipurangi.
Ka tiakina katoatia ngā whakautu a te rangatahi kia pai ai te whakataurite atu ki ngā kōrero a te rangatahi hei te tau e tū mai nei. Mā tēnei e mōhio ai a Oranga Tamaraki mēnā rānei e pai haere ana ā rātou ratonga, he aha rānei ngā mea me panoni.
He kairangahau mātou nō te kamupene i tapaina ai ko Malatest International.
Ehara tēnei i te whakahaere kāwanatanga, engari e mahi tahi ana mātou ki a
Oranga Tamariki i tēnei kaupapa. He kōrero atu anō e pā ana ki a mātou e iri
mai ana ki tā mātou whārangi ipurangi, ki www.malatest-intl.com.
Me he pātai au, whāia ko Stewart Graham.
0800 002 577.
KĀO.
Kei a koe te tikanga mēnā ka whai wāhi mai koe. E whaitake ana ō whakaaro, engari, ehara i
te mea me whai wāhi mai koe ki te kore e hiahia.
Mā te wānanga i te patapatai ki tō whānau, tō kaitiaki ki tō tauwhiro rānei e āwhina pea i a koe ki te whakatau mēnā rānei ka whai wāhi mai koe.
Ki te kore koe e hia whai wāhi mai, ehara i te mea me whakamōhio ake te take i pērā ai, ka mutu,
kāore e raru te taha ki te tauwhiro me te tautoko i a koe.
Ka āhei tō puta i te patapatai i waenga tonu i te uiui, tō tīpoka rānei i ngā pātai kāore nei
e hiahia ana ki te whakautu.
Ka waea atu mātou ki a koe kia kite ai mēnā rānei ka hiahia koe ki te kōrero
mā te waea, mā te waea kiriata rānei, ka taea RĀNEI e koe te pāwhiri ki konei kia
whakautu ai i te patapatai mā te ipurangi.
Koinei ngā tāngata nō tō mātou kāhui ka waea atu pea ki a koe. Ka āhei hoki tō kōwhiri
i te tangata e hiahia ana koe kia waea atu ki a koe. Tēnā pātutuhi mai, kōrero mai
rānei ā te wā ka waea atu mātou ki a koe.
Kia ora, ko Stewart ahau. He pārekareka ki ahau te reti papahuka, te kake paihikara, me te takaro ki taku Playstation. E hiamo ana ahau kia kōrero tahi ki a koe e pā ana ki te Ratonga Tautoko Whakawhitinga kia taea ai e mātou te whakaū i te whaihua o te ratonga.
Kia ora, ko Kerehi ahau. He pārekareka ki ahau te whakatā ki tātahi, te mātakitaki kapa haka, te noho tahi anō hoki ki ōku hoa me tōku whānau. Ka taea e au te kawe te patapatai ki te reo Māori.
Talofa lava. Malo! Ko Fofoa ahau. He pārekareka ki ahau te noho ki ngā kararehe, ki tōku whānau, te pukukata, me te kai! E hiamo ana ahau kia kōrero tahi ki a koe mō te patapatai nei.
Kia ora, ko Harri ahau. He pārekareka ki ahau te whakatangi rakuraku, me te ngana ki te eke ngaru.
Kia ora, ko Morgan ahau. He pārekareka ki ahau te puoro, ā, i te nuinga o te wā ko te puoro lo-fi, ko te hiphop, otirā, ko ētahi pēne nō Aotearoa tonu aku tino. Kia wātea au, ka pai au ki te pānui, ki te tākaro ataata, me te noho tahi ki ōku hoa.
Kia ora, ko Ashleigh ahau. He pārekareka ki ahau te pānui, te hikoi, te tākaro ataata hoki. E hiamo ana ahau kia kōrero tahi ki a koe mō te Ratonga Tautoko Whakawhitinga kia whai māramatanga ai ki ōu whakaaro.
Ki te pōhauhau tonu, ki te hia kōrero rānei – tēnā waea mai
ki a mātou ki
0800 002 577.
Āe – ka noho matatapu āu kōrero katoa.
E mōhio noa ana mātou ki tō ingoa tuatahi, ki ngā taipitopito whakapānga anō hoki mōu.
Ko te kaiuiui anake ka mōhio ki āu kōrero.
Kāore tō tauwhiro, tō ama whakawhiti, tō kaitaurima, tētahi rānei nō Oranga Tamariki
e rongo ki ō whakautu.
ENGARI – ki te māharahara mātou ki tō haumarutanga, ki te haumarutanga rānei o tētahi atu,
ka mate mātou ki te whakamōhio i a Oranga Tamariki. Ka mātua
wānangatia tēnei take ki a koe i te tuatahi.
Mā tēnei patapatai e whai wāhi ai koe ki te kōrero matatapu mai mō ō wheako,
otirā, mō ngā uauatanga e pā nei ki a koe mō te whai wāhi noho, mō te whai mahi, mō te
whai pūkenga me ērā momo tūāhuatanga katoa.
Ka whai wāhi koe ki te kōrero i ngā kaupapa katoa e hiahiatia ana e koe. Ka āhei hoki tō haukoti i tō whakautu i ngā pātai ina hiahiatia, ahakoa hei āhea.
Ka pātaihia koe:
> Mō ō mōhioranga ki te ratonga whakawhitinga
> Ā tōna wā, he aha tāu e manako nei,
mōu anō?
> Mēnā rānei kua tautoko tō tauwhiro, i a koe ki te whakamahere
> Mō ō whakaaro ki te āhua o te tautoko a tō tauwhiro, a tētahi atu rānei i a koe – mēnā rānei ka mārama rātou ki a koe, ka whakatinana i tā rātou i kī ai, ka whakapai ake rānei i tō ao
> Mō te āhua o tā rātou tautoko i a koe, ki te whakamahere i tō whakawhitinga, hei tauira, mā te kuhu ki ngā momo akoranga, mā te kimi wāhi noho rānei.
> Mēnā kua whakamōhio koe ki te Ratonga Tautoko Whakawhitinga, mō ngā momo taunakitanga e hiahiatia tonutia ana e koe
> Mō ō whakaaro ki te āhua noa
o tō ao i tēnei wā
> Mō tō oranga ā-tinana, ā-hinengaro,
ā-wairua hoki.
> Mō ngā wāhi ka torohia e koe
ki te hia āwhina
> Mēnā rānei e whakapono ana koe ka whakarongo te tangata ki a koe, ka whai mana hoki koe i ngā whakatau i tōu anō
> Mēnā rānei ka mātua ki a koe te nui o te whai wāhitanga mai o tō whānau
> Mēnā ka mātua ki a koe tō mōhio
ki tō whakapapa
> Mō tō wāhi noho o mohoa, otirā, mēnā rānei e whakapono ana koe e haumaru
ana tō noho i reira
> Mō ō hoa, mō tangata kē atu anō
> Mō tō whai mātauranga, mō ngā kaupapa whakangungu rānei, otirā, mēnā rānei kua whai mahi koe
> Mō ō pūtea me ō nama
Ka tīmata te patapatai Just Sayin’ ā te mārama o Whiringa-ā-rangi. E tono ana mātou ki ngā
rangatahi e 16 tau ki a uru mai. He āhua ōrite ngā pātai ki ngā pātai o te patapatai tuatahi.
He mea nui ki a rongo ki ngā whakaaro a te hunga rangatahi 16 tau.
Kei hea ngā kōrero ō te patapatai tuatahi Just Sayin’?
He mihi nui tēnei ki ngā rangatahi 17 pakeke ake i hono mai ki tēnei patapatai Just Sayin'. Ko ō koutou whakaaro me ō wheako e hāpai ana i ngā rangatahi e whakawhiti ana ki te taitamarikitanga.
Ā te 2021, ka hoki mai anō tātou, ki a kite ai kei te pēhea koe.
E rangahau ana te roopu Ratonga Tautoko Whakawhitinga i ngā hua o te patapatai, ā ka tukuna e rātou i ngā hua ā te mutunga o te tau 2020. Ka whakairihia e mātou i te rīpoata i konei. Waihoki, ka tukuna ō whakaaro me ō kōrero ki te Minita mō ngā Tamariki (Oranga Tamariki)
Mēnā he pātai āu, tēnā waea mai ki te roopu patapatai 0800 002 577
